【有片!】《聖☆哥傳》真人版秋天播放 日劇主角係佢哋!

圖︰《聖☆哥傳》真人版劇集將於2018年秋天上映。(網上截圖)

日本漫畫家中村光創作的《聖☆哥傳》(聖☆おにいさん),故事講述佛祖與耶穌世紀末後到人間「度假」,由於題材破格,近年更紅到香港!自2016年傳出《聖☆哥傳》將拍成真人版電視劇消息,昨日(20日)終於有真人版的VR宣傳片釋出!

兩位神級主角在片中上演一段「捉蟲記」,真人版主角人選及造型亦因宣傳片發佈而公開︰松山研一飾演耶穌、染谷将太飾演佛祖;劇集將於2018年秋天上映,相信會成為今年另一套高收視日劇。

真人版造型忠於原著

《聖☆哥傳》真人版由山田孝之擔任製作總指揮,由福田雄一負責將原著變身成日劇,二人都係「癲喪」之人,單睇官網加VR宣傳片的介紹,已Feel到真人版製作有幾認真同忠於原著。

官網將松山研一,以及染谷将太在劇中的造型大對比,單係睇相都睇得出製作團隊的細心,無論衣著、髮型、配飾都同漫畫原著跟到足!務求令漫畫版Fans唔會失望!

圖︰於劇集的官方網頁找到兩位真人版主角與漫畫主角的造型對比。(官網截圖)

網民最期待咩劇情?

在《聖☆哥傳》漫畫原著中,耶穌同佛祖都一齊經歷好多有趣事件,追開漫畫版的網民,就最期待睇到「佢地(哋)玩過山車」、「焗桑拿」,以至想睇劇組點樣拍「要一隻牛/火雞咬住打火機要佛陀食佢地(哋)果個場境」。亦有網民讚真人版「還原度高」、仲話「睇到張相已經笑﹐呢套要睇」。

《聖☆哥傳》是日本漫畫家中村光的作品,作品在2009年獲得手塚治虫文化獎短篇賞榮譽;並在讀賣新聞社主辦的SUGOI JAPAN Award 2015「最想向海外介紹的日本流行文化」評選中,獲得漫畫部門第9名。

[embedyt] https://www.youtube.com/watch?v=L2P9ASb0uWo[/embedyt]

分享: