【幸福人妻】2R兩姊妹婚後生活美滿 Race屋企大到可紮營!

圖︰Race(右三)佈置屋企為囡囡Cara慶祝生日,豪宅花園大到可以紮營!(ig圖片)

樂壇前組合2R嘅黃婉君(Rosanne)同妹妹黄婉佩(Race),如今都分別成為「幸福人妻」,嫁到個又有錢又愛錫自己嘅好老公;單係佢哋為囝囡慶祝生日嘅強勁陣容,已經令不少網民讚嘆不已!

Race擁超大花園 紮營、吹大氣球佈置

上月尾(5月尾),Race喺屋企為囡囡Cara慶祝生日,佢同屋企人又紮營、又吹大型氣球公仔,佈置完個花園都仲有超多位宴客!

圖︰Race屋企嘅超大客廳,坐到逾10個人!(ig圖片)

入到屋內,超大客廳放咗L型梳化,坐足10個人都仲有位淨!大廳同花園連接,以落地玻璃趟門相隔,所以Race都特別裝飾埋趟門框,令生日會佈置延伸至大客廳。

Race喺ig留言話︰「Because of her, I want time to pass by even slower. Kids make us further appreciate how precious time is.」(因為她,我希望時間可過得慢一點。小孩讓我們能夠更欣賞時間的珍貴。)

圖︰Race要佈置咁大間屋,相信都用咗好長時間。(ig圖片)
圖︰營帳一!(ig圖片)
圖︰另一邊仲有其他營帳!(ig圖片)

Rosanne為囝囝辦海上生日會

而姐姐Rosanne則為囝囝舉辦海上生日會!Rosanne喺ig分享多張相片,與眾同享佢為細仔Daniel慶祝5歲生日嘅盛況。

佢哋一家四口約埋成班大小朋友,一齊坐遊艇、出海玩,仔仔仲喺船上嘅「私人泳池」玩水。為咗配合呢個海上生日會,Rosanne仲親手整咗一個有大鯊魚嘅海洋主題3D生日蛋糕;一班大小朋友都玩得好開心!

圖︰Rosanne一家四口,樂也融融!(ig圖片)
圖︰仔仔仲喺船上嘅「私人泳池」玩水!(ig圖片)
圖︰Rosanne仲為囝囝親手整咗一個海洋主題3D生日蛋糕。(ig圖片)
分享: