【契兄妹同居?】顏仟汶被指介入詹秉熙婚姻 不時網上「放閃」

圖︰顏仟汶早前被指介入詹秉熙的婚姻,更令詹秉熙與結婚30年的太太分居。(微博圖片)

47歲藝人顏仟汶同57歲嘅詹秉熙,一直以「契兄妹」相稱。顏仟汶2016年同結婚多年嘅阿Lo分居後,近日被爆介入「契哥」詹秉熙嘅婚姻!據悉,詹秉熙同結婚30年嘅Sandy正在分居,顏仟汶同詹秉熙則展開「同居生活」,仲不時「出雙入對」同喺微博Po相「放閃」!

承認與太太分居 詹秉熙︰唔關任何人事

對於被指做「小三」,顏仟汶堅決否認,仲話同詹秉熙「只係好朋友」。而詹秉熙則大方承認同太太已分居一事,指「(分居)唔關任何人事」,又話自己同太太本身都已經有問題,「係我唔好,係我變咗!」似乎將所有責任全部攬上身!

被爆與詹秉熙同住錦田嘅顏仟汶,則不時喺網上Po相「放閃」;雖然相片大多都係有其他人一齊影嘅合照,但二人同場嘅活動數量,真係多到好似「行孖咇」咁!佢哋一齊出席圈內人飯局時,影大合照都係坐埋一齊。

又好似剛過去嘅端午節,顏仟汶就同詹秉熙、雪梨等藝人向長者派糉,顏仟汶喺微博上載活動相時仲話:「好開心啊!第一次不是收花,(是)收黃皮、橙同荔枝囉!」好似暗示經常有花收咁。

其實歌仔都有得唱啦︰「沒有好感怎會相親相愛?大哥只是掩飾…」「契兄妹」一齊住,都唔係好出奇呀!

圖︰顏仟汶同詹秉熙端午節都一齊過!(微博圖片)
圖︰去飯局、影大合照都坐埋一齊!(微博圖片)
分享: