【一腳踏兩船】余香凝被爆學生時代「劈腿」 男方正是陳家樂!

圖︰有讀者向傳媒爆料,指余香凝「一腳踏兩船」早有前科,而「第三者」正是陳家樂。(ig圖片)

余香凝同陳家樂拍拖3年幾,上周突然爆出余香凝疑與保險男高層許焯倫(Victor)交往,陳家樂則含淚認分手。雖然余香凝出晒聲明話「分手不涉第三者」,仲話「將保留一切追究權利與法律責任」,但有讀者向傳媒報料,指余香凝「劈腿」早有前科,當時嘅對象正正就係陳家樂!

14年拍劇遇陳家樂 15年與藥業老闆分手

該讀者向傳媒透露,余香凝喺學生時代與藥業公司老闆、曾開設娛樂公司嘅陳秋山(Jason)拍拖,據悉,當時余香凝讀緊書冇乜錢,Jason每個月都畀生活費佢,報料人仲話︰「之後女嘅入咗娛樂圈識咗個男仔,跟住就用Jason畀佢嘅錢買嘢送畀對方,男嘅都知Jason存在,Jason後來發現咗好hurt,就同佢(余香凝)分手。」

余香凝同陳家樂喺2014年拍港台劇集《總有出頭天》時「撻著」;而據知,余香凝17歲時已經同Jason拍拖,至2015年先分手,如此說來,余香凝同Jason嘅分手原因,正是因為「一腳踏兩船」。而Jason 2015年嘅facebook仍然留下多段帖文,包括︰「性格決定命運,道德觀念這麼低,只配嫁窮郎。」、「愛情,沒有keep trying to win的門。至少,在我的世界裡沒有。」

Jason及後於電話訪問承認同余香凝拍過拖,以及於2015年分手。

圖︰陳家樂早前在訪問時含淚認分手,估唔到佢都曾經係余香凝同Jason嘅「第三者」。(微博圖片)
分享: