【父親節喜訊】 細孖周志康:三人行將變四人行

圖:周志康及老婆盧芷茵先後與IG公佈懷孕喜訊。(IG圖片)

巨聲幫出身嘅細孖周志康,2014年同拍拖5年嘅女友Emily(盧芷茵)奉子成婚,雙喜臨門,本身喺ViuTV主持嘅Emily,上年年底帶埋囡囡Emma亮相節目,年紀小小嘅Emma對住鏡頭一啲都唔怯,真係好鬼可愛!事後周志康接受傳媒訪問,講到有冇計劃生多個B?周志康話:「睇緣分啦,唔係想就有嘅,不過囡囡又真係好可愛!」

遲下變四人行

前日(17日)周志康先喺ig公佈喜訊,佢貼咗一張只係得三對腳嘅相,佢留言話:「父親節快樂,三人行必有我B,遲啲四人行!」今日(19日)Emily喺ig亦更新,先貼咗二張超聲波嘅相兼話:「Emma就快有個妹妹!」今日周志康接受傳媒訪問,講到太太o依家嘅懷孕情況,佢話:「冇嘔呀!不過就冇上一次咁舒服。」唔知家姐Emma知道媽咪有bb,又乜嘢反應呀?周志康就話:「開心同埋係咁錫媽咪個肚,我同個肚講嘢佢又跟住講,我就叫Emma自己我介紹,佢講:我係你姐姐呀!」

圖:Emily今日(19日)於IG貼出二張超聲波嘅相兼話:「Emma就快有個妹妹!」
分享: