【最幸運爸爸】甄子丹與3仔囡合照 前妻兒子罕有亮相!

圖︰甄子丹自稱「最幸運爸爸」,與3名仔囡同慶父親節。(ig圖片)

「宇宙最強」甄子丹最近為自己起咗一個新稱號,就係「最幸運爸爸」喇!剛剛過完父親節,作為愛妻號兼好爸爸嘅甄子丹昨晚(18日)喺ig先後分享佢同3個仔囡,以及有埋太太汪詩詩入鏡嘅兩張甜蜜靚相。其中一張合照,仲有佢同前妻梁靜慈所生嘅大仔甄文焯罕有入鏡!

93年曾結婚 翌年離婚

甄子丹和太太汪詩詩,是圈中的模範夫妻。不過,原來甄子丹早於1993年就曾經結婚,前妻係從事廣告工作嘅梁靜慈;可惜二人婚後一年就離婚收場,梁靜慈仲要離婚後先知道自己懷孕,並決定將BB生出來,而甄子丹期後亦有向佢哋支付生活費。

如今甄文焯已經23歲,今次罕有同甄子丹和汪詩詩所生嘅仔囡甄濟如及甄濟嘉一同合照,真係非常難得!相片中,3個仔女同甄子丹都笑得燦爛;難怪甄子丹要留言「放閃」自稱:「I’m the luckiest father in the world! (我是世界上最幸運的爸爸!)」

圖︰甄子丹與3名囝囡合照,幸福滿溢!(ig圖片)
分享: