【貼地情侶】顏卓靈與男友打扮隨意:長期街坊裝

圖:顏卓靈稱與男友鬥貼地,長期以街坊裝示人。(FB,IG圖片)

顏卓靈、倪晨曦(Elva)同蘇皓兒今日(15日)喺銅鑼灣出席護膚品牌活動。講到護膚,顏卓靈話:「我會注重清潔同保濕,平時有好似Elva咁做瑜珈排汗。」至於Elva就話心情好皮膚自然靚。

試過着睡衣上戲劇堂

唔知佢哋又有冇試過幫男友護膚?Elva話:「有幫佢敷面膜,雖然佢起初有啲抗拒,但後來見到皮膚有改善,?家會自動自覺做。」顏卓靈又有冇幫男友白只敷過面膜?佢即刻笑住講:「有敷過一次,但佢塊面同張面膜有啲距離,所以有啲位敷唔到。嗰次之後,大家都冇再提呢件事啦。」

此外,顏卓靈透露平日跟白只打扮都係好隨意:「我哋係鬥貼地,着到大地係我家咁,長期好似住喺樓上就落街啲街坊裝,我仲試過着睡衣去上戲劇堂。」旁邊嘅Elva就話好佩服,因為自己一定會作多少打扮先出街,亦唔會同男友着街坊情侶裝。

分享: