劉鳴煒被爆追嫩口港女 偏愛氣質型女學霸

劉鳴煒疑與金融之花Estella分手,另結新歡。(Facebook圖)

身家豐厚嘅劉鳴煒似足大劉風流,前年才公開封盤、認愛金融之花Estella嘅佢,日前被爆追廿歲出頭嘅嫩口高妹,同Estella似乎已玩完。

現年37歲嘅劉鳴煒感情生活相當精彩,而同他拍拖過的女性亦都是氣質型學霸。就如前妻Wendy,是劉鳴煒嘅英國大學同學。08年Wendy為劉鳴煒誕下一對龍鳳胎,但二人10年就分開。離婚不到半年後劉鳴煒就有新歡,12年女友為佢未婚產子,但兩人亦很快分手。16年劉鳴煒跟摩根大通任客戶投資組合嘅金融界之花Estella撻著,二人曾喺社交網晒恩愛合照。Estella於港大經濟系畢業,曾去荷蘭進修。

觀乎劉鳴煒多年來擇偶條件,均着重女方內涵而多於外表。含住金鎖匙出世嘅劉鳴煒17歲赴英國讀書,先後喺倫敦國王學院和倫敦經濟及政治科學學院,取得法律學士、法律碩士和哲學博士學位。03年劉鳴煒就已經袋住媽咪寶詠琴大約四億遺產起跑,06年佢回港打理家族生意,出任香港華人置業董事,近年又當上華置主席,大劉陸續將資產同股份轉移畀佢。

分享: