【瘦身無難度】周柏豪讚老婆廚藝精湛

圖:周柏豪勤力健身 (Instagram圖片)

因為做巡迴演唱會嘅關係,周柏豪有一段時間無喺香港露面,不過今日(14日)佢就現身尖沙嘴海港城,為一間品牌嘅聯名系列示範全新服飾。

柏豪:買層樓報答老婆

之前曾表示為演唱會準備最辛苦一環是戒口,柏豪透露今次戒口非常成功,功臣當然係老婆,柏豪話:「可能人大咗鍾意食得清淡啲,真係喺屋企兩個人食咸魚白菜都好好味。」他又讚老婆遺傳咗外母精湛廚藝:「佢每次睇完菜譜,就好有天份咁去調味同煮,次次都好食,我唔駛做白老鼠,最近仲整慢煮三文魚,又拎支火槍燒吓三文魚嗰面,我一聞到香味就起身食,又會用六個鐘煮豉油雞。」對於老婆咁辛苦為佢入廚,問到柏豪點樣報答老婆,柏豪笑指已經喺新樓寫咗老婆個名。

圖:周柏豪 (Instagram圖片)
分享: