40年冇做Gym 陳奕迅:我好掛住自己個腮

圖:陳奕迅(微博圖片)

陳奕迅(Eason)昨日(12日)以品牌代言人身分出席世界盃活動,與粉絲大談波經,並欣賞有「旺角美斯」之稱的花式足球員施寶盛表演。熱愛足球並捧德國的Eason稱從未試過在現場欣賞世界盃,亦未去過俄羅斯,不過已決定14日會前往俄羅斯睇2、3場球賽及趁機觀光,「心情很興奮,但有個疑問,我有個疑問唔知嗰度食乜嘢,我喺香港食過一次話係正宗俄羅斯餐,唔知真正俄羅斯餐嘅味道又係如何,淨係知俄羅斯人好鍾意飲烈酒同魚子醬。」

崇尚自然 用運動排汗

明顯消瘦的Eason透露1個月前找來私人教練教健身,「每次做個半鐘,每星期做一至兩次,其實我好掛住自己個腮,不過自己都覺得好多疾病都係管道塞引起,?家做完健身流好多汗好舒服。」Easonge更自爆早排曾經諗過做去眼袋手術,但諗過度過之後,覺得手術始終有風險,加上崇尚自然,所以用運動排汗:「我有諗過唔知會唔會自己脂肪強勁,如果做咗手術兩日後,眼袋出返嚟咪好唔抵。」

圖:雖代言運動品牌,Eason自爆40年冇做Gym。(微博圖片)
分享: