張家輝12歲囡囡想做Youtuber

張家輝、關詠荷同囡囡張童。(網絡圖片)

關詠荷(Esther)與張家輝嘅女兒張童已經12歲啦,神似父母混合體嘅張童長相出眾。Esther日前喺受訪時,被問到女兒想入行會唔會反對,佢透露其實女兒都好熱愛上網睇Youtuber影片,都會上網學習人哋做戲。

Esther自2006年為張家輝誕下女兒張童後,便淡出娛樂圈。近年有不少星二代入行,Esther透露女兒張童想入行,但自己同老公就反對,不過「隨著年紀增長,佢(張童)見識多咗,父母又做呢一行。」唔知反對最終能否有效乎?

張家輝、關詠荷曾帶張童去白雪仙屋企拜年。(汪曼玲微博圖)

愈大愈靚女

農曆新年,資深傳媒人汪曼玲去咗同粵劇名伶白雪仙拜年,張家輝亦帶埋佢老婆關詠荷、阿女張童去白雪仙屋企拜年,汪曼玲喺社交網晒合照,佢留言:「張家輝與仙姐住樓上樓下,初一,一家三口到仙姐家拜年。」12歲嘅張童愈大愈靚女,個樣似足爸爸同媽媽。

分享: