家燕姐娶新抱 豪送六子連環金豬牌巨型龍鳳鈪

圖:終於等到杯新抱茶嘅家燕姐,成晚都笑到見牙唔見眼。(網上圖片)

薛家燕昨日(11日)娶新抱,二仔石耀庭(Jackson)同女友Zoe拉埋天窗。在洲際酒店內,一對新人穿上中式裙褂同禮服,Jackson跟足傳統踢花轎門,迎接新娘子後,向奶奶薛家燕斟茶。家燕姐等咗咁多年終於飲到杯新抱茶啦,真係甜到入心。由仔仔拍拖起,家燕姐已經當正Zoe係親生女一樣,今日正式成為一家人,心情自然特別興奮。

圖:跟足傳統禮節,Jackson終於接到新娘子啦。(網上圖片)

愛屋及烏 一擲千金

之後一對新人上酒店房同奶奶家燕姐及長輩斟茶,飲過新抱茶家燕姐笑到見牙唔見眼,一對新人仲好乖巧咁,齊齊錫家燕姐,氹得家燕姐冧到呢!家燕姐話晒得一粒仔,而且係仔女中首次辦喜事,家燕姐不只自己悉心打扮,載住翡翠鑽石首飾,連送俾新抱仔Zoe嘅金器都好重手,好似六子連環金豬牌,唔通家燕姐想佢生夠6個孫。其中一對立體龍鳳鈪更加是份量十足,龍鳳雕功精緻活靈活現,目測應該重量超過10兩,新娘子戴上手後,幾乎遮蓋佢半隻手同手腕,認真誇張。之前過大禮已經花費過百萬,加上兩場婚宴,呢次家燕姐豪使數百萬娶新抱,真係錫到佢地燶呀﹗

圖:仔仔同新抱仔一齊向家燕姐甜蜜獻吻。(網上圖片)

分享: