華姐冠軍余思霆 疑遭林欣彤硬撬男友

林欣彤(左)疑插足余思霆、Tyrese戀情。(Instagram圖)

27歲嘅歌手林欣彤(Mag)外表清純,近日卻被指係「最強小三」,暗交2017年華姐冠軍余思霆男友、天堂鳥成員歐鎮源(Tyrese)。林欣彤與Tyrese被影到喺元朗手拖住手一齊食飯,二人全程有講有笑,舉止曖昧。佢哋食完之後仲兩個人用一把雨傘走。

林欣彤否認同Tylrese有拖手,「我哋只係朋友,係有食飯,有時係成班朋友」,而Tylrese亦否認一腳踏兩船,話:「同朋友食飯真係好正常。」

余思霆(右)係2017年華姐冠軍。(Instagram圖)

早前,Mag同Tyrese一齊去睇HotCha演唱會,Tyrese曾喺社交網上載合照,但中間就夾住好友馮允嫌,而霆霆就一直表示相信男友。

余思霆(Instagram圖)

余思霆心情低落

不過,余思霆近日喺社交網嘅留言似乎心情好低落,上周六又喺ig留言:「人一生下就會哭,笑是後來才學會的。所以憂傷是一種低級的本能,而快樂是一種更高級的能力。像監製說的:霆霆妳的招牌是笑容,一定要多笑。憂傷一下下,就得再帶著笑容重新出發!來吧!#挫折只是一下下 #努力是永久的良藥 #霆霆妳可以的!#勉勵自己post」第二日佢又再開post:「雨過之後總會天晴。#去活吧 #笑一笑沒什麼大不了」。

余思霆(Instagram圖)

Mag再做第三者?

感情世界好複雜嘅Mag自爆曾喺不知情下做咗第三者。而亦有傳Mag亦曾暗㗳天堂鳥另一成員葉灝基(Gordon)。

分享: