【賴太唔開心】阿嬌疑與閨蜜鬧翻:唔可以好好祝福?

阿嬌自爆被好友無視。(Instagram圖)

鍾欣潼(阿嬌)上月26日剛同賴弘國喺洛杉磯舉行婚禮,今日一早突然喺ig度貼咗一張電影《Lady Bird》嘅截圖,圖上嘅對白係:「因為你只考慮自己,不考慮別人」。

阿嬌留言:「#看到一個我好尊重嘅朋友覺得我冇需要佢我個心好難受 #點解唔可以放低無謂嘅情緒好好地祝福呢 唉…」疑與閨蜜鬧翻。

隨後,就有網友估吓邊個朋友令到阿嬌唔開心,有人估係台灣藝人楊丞琳,但阿嬌就否認。

阿嬌洛杉磯完婚,楊丞琳冇出席只轉發婚照送祝福。(微博圖)

楊丞琳:冇被邀請參加美國婚宴

身為好友嘅楊丞琳並冇出席阿嬌洛杉磯婚禮,只係轉發阿嬌婚照送上祝福。當時就有網民質疑佢同阿嬌咁好友,點解冇份出席呢場盛宴,楊丞琳咁回網民:「我被邀請參加的不是美國這場婚宴,而且很重要嗎?不能只祝福她嗎?」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟