【每人旅費5.3萬起】李克勤孖太太盧淑儀 搭火車豪遊日本

圖:李克勤夫婦同友人同遊日本,欣賞四季島演奏廳的演出。(Instagram圖片)

正在日本度假的李克勤,帶著太太盧淑儀和另外一對友人先後去了東京、函館等地,期間時不時在Instagram上載影片、圖片等分享趣聞。

化身旅遊大使 IG分享遊記趣聞

圖片:克勤在上野車站上車前介紹四季島列車。(IG 圖片)

日前,克勤上載一段影片,分享其乘坐去年5月才通車的「四季島號列車」之感想,克勤像旅遊大使般介紹說︰「呢個係四季島列車,依家喺上野車站上車,佢係日本觀光列車。」佢仲留言寫住︰「人生第一次火車旅遊。」

圖片:克勤在列車內嘆香檳。(IG 圖片)

另一段片見到克勤坐在行駛中嘅餐廳車卡,好享受咁嘆緊香檳,佢仲留言︰「又真係幾好玩喎!」

圖片:克勤很輕易就吊起了魷魚。(IG圖片)

第二日,克勤換咗衫,上載一段佢吊魷魚嘅片,佢都幾輕易就吊到,之後仲睇到隻魷魚已經被劏,變成刺身嚟食。

圖片:克勤在火車上自彈自唱。(IG圖片)

之後還拿起結他邊彈邊唱佢嘅歌《只想你會意》,還寫著︰「帶埋結他上火車。」

最低消費2萬起 網民留言:「好富貴!」

講起這架列車,去年5月通車時,已經被預訂至今年3月,而且價錢都唔平㗎!一人消費起碼要2萬港幣,最貴就要7萬港幣!點解咁貴呢?原來這架列車有10節車廂,但只有6節供乘客坐,每卡只坐6位乘客,同埋只有17間獨立房,所以每次行駛,只可以載36人。

行程方面只有兩種,4日3夜由上野去函館,之後再返回上野,每人收費75萬至95萬日元(約53,000至68,000港元);另一個2日1夜行程,就是上野去長野縣,每人收費由32至45萬日元(約22,000至32,000港元),克勤選擇了4日3夜行程,難怪網民都留言說他好富貴!

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟