【結婚一周年】安以軒與CEO老公遊土耳其 甜蜜相片閃爆Mon

圖︰安以軒與澳門百億CEO老公陳榮煉甜蜜遊土耳其。(微博圖片)

「小叮噹夫婦 一起去浪漫的土耳其。」有「電眼女神」之稱的台灣藝人安以軒,去年3月宣布閃婚;6月5日係佢同澳門百億CEO陳榮煉結婚一周年,二人早前更出發到土耳其,共渡浪漫甜蜜假期!安以軒不忘於微博「放閃」分享喜悅,仲留言話︰「⒍⒌ 屬於我們的紀念的~ 終於把它變成一個節日 一周年快樂。」

3月急做手術保命 有傳是宮外孕

又難怪安以軒咁重視呢次旅行嘅!因為佢今年3月曾經因為身體出現問題,要急做手術保命!好彩身體回復得到,今次先可以安心出遊。至於安以軒點解要做手術?有傳係因為宮外孕,但安以軒喺手術後4日、去澳門出席老公旗下公司春茗活動時,就冇明言入院原因,只係話:「如果大家真的很想知道為什麼動手術,那就寫我割盲腸吧!」

今次土耳其之旅,安以軒同老公都去咗好多景點遊覽,仲影咗好多「閃爆」靚相!又錫、又拖、又攬咁甜蜜,相信安以軒嘅人妻生活都相當美滿幸福!希望佢哋繼續「吃到老 玩到老」,最緊要身體健康呀!

圖︰安以軒同老公愛得甜蜜。(微博圖片)
圖︰安以軒仲分享埋靚靚結婚相!(微博圖片)
分享: