《刑偵III》大勇、義仔「調環頭」 Madam雷尾段再登場!

圖︰Madam雷(左)喺《刑偵III》不再是大勇同義仔嘅上司,但會在劇情尾段再登場。(影片截圖)
《刑事偵緝檔案III》(《刑偵III》)於無綫深宵時段重播,同第一、第二集相比,角色同劇情改動都較前兩集多!事關大勇(陶大宇飾)要同義仔(梁榮忠飾)一齊「調環頭」,由將軍澳警署轉到馬鞍山警署工作;而大勇亦要迎接一班新下屬。至於大勇同義仔嘅上司,亦由Madam雷(林漪娸飾)改為警隊總督察詹sir(金興賢飾)。
唔少觀眾對於Madam雷嘅消失都唔多習慣,而根據劇情,Madam雷要到尾段先會再次登場;點解要有咁多改動?監製潘嘉德話,主要原因係「想俾啲新嘢觀眾」。

監製︰無新嘢點拍落去呀?

一個劇集系列可以拍到第3輯,劇本都真係好難一成不變!潘嘉德指︰「美國嘅警匪片,每季都唔同人啦!(觀眾掛住Madam雷,反映)香港觀眾思想真係好狹窄。」都係㗎,《刑偵III》有成40集,如果繼續用返第一、二輯嘅人物、劇情設定,都真係好難寫出好劇本。
有指Madam雷「失蹤」同其他劇組「搶人」有關?潘嘉德表示,「佢(林漪娸)一向都好多劇拍,由我離開無綫之前,至到我走咗,佢都仲拍緊。」林漪娸當年同期確實有多齣劇集拍緊,包括《O記實錄II》、《天地男兒》、《壹號皇庭V》,林漪娸想再「分身」,都真係有啲難度!
而《刑偵III》有資深演員羅冠蘭加入,飾演郭可盈嘅阿姨;而新上司詹sir,更將會係大結局時嘅「Big Boss」!仲會喺39、40集,由Madam雷出場親自將詹sir繩之於法!
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟