【影婚紗相】江若琳Oscar孖住拍廣告 遊西貢深水埗影靚相

圖︰江若琳與Oscar即將於12月結婚,二人早前一起為婚紗公司拍廣告相。(網上圖片)

江若琳(Elanne)同蕭潤邦(Oscar)將於今年12月「拉埋天窗」,第3次為婚紗店代言嘅Elanne,今次終於有「真未婚夫」Oscar做拍檔,同遊西貢、深水埗,攞正牌於人前「放閃」影婚紗相!

Oscar太耐冇上鏡 「有啲唔自然」

Elanne之前幫婚紗店影相,身邊男主角分別係王浩信同蕭正楠;今年可以喺結婚前孖住Oscar影相,Elanne都覺得好興奮!佢坦言︰「入行咁多年,大大話話着過十幾次婚紗,都只係戲服一件,但今次同Oscar一齊影,先覺得原來着婚紗都幾感動!」

對於Oscar嘅表現,Elanne就講笑話︰「佢都係努力做生意啦!可能佢好多年冇做幕前,縱然有model嘅身高,但一對住鏡頭就好怕醜、唔係幾自然。佢都係繼續努力建立佢嘅生煎包王國啦!」

圖︰Elanne同Oscar影相當日遇上好天氣,有藍天白雲相伴!(網上圖片)
分享: