【靚媽典範】Ella潮Look現身機場 要同《創造101》女孩們聚一聚!

圖︰Ella身穿Polo Ralph Lauren最新嘅CP-93系列服飾、頭戴Gucci棒球帽,著埋最新嘅Converse X MadeMe聯名鞋,以一身潮Look現身機場。(fb圖片)

Ella陳嘉樺日前以潮Look現身機場,話要去跟《創造101》女孩們聚一聚!Ella作為《創造101》嘅音樂導師,近月不時都要台灣內地兩邊走;忙碌工作、又要照顧家庭,亦無阻Ella「扮靚靚」示人,甚至覺得佢做完媽媽之後更有品味!

圖︰嚟個close up先!Ella著休閒服都星味十足㗎!(fb圖片)

《我又初戀了》車禍版曝光

講起《創造101》,近日網上就流出一段附有現場錄音嘅影片,指係吳宣儀組第一次公演《我又初戀了》嘅未修音「車禍版」,輕輕一聽,明顯係同「出街版」有好大出入吓!

王亦然、楊蕊菡、吳茜等「顏值高」成員都出現嚴重走音,反而羅怡恬又跳又唱,打埋側手翻都無懼走音,歌聲仲係咁多位之中最好聽嘅!睇嚟Ella呢位音樂導師真係要同《創造101》嘅女孩們傾吓計,傳授多啲唱歌技巧俾佢哋,以防《我又初戀了》變成「我又車禍了」!

圖︰根據「車禍版」﹐成首歌入面,真係得羅怡恬把聲可以稱得上係好聽!(影片截圖)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟