【深宮計】胡定欣造型唔夠勁? 睇吓邊個皇后最架勢!

圖︰咁多個皇后造型,你又最Like邊一個?(網上圖片)

睇宮鬥劇,服裝造型當然都係重點啦!胡定欣喺《宮心計2之深宮計》入面,由太子妃演到「升呢」做皇后,不過有網民就覺得佢嘅皇后造型唔夠勁。有圖有真相,就用唔同劇集嘅皇后嚟比併吓,睇吓邊個最架勢先!

胡定欣

圖︰網民覺得胡定欣演皇后,造型唔夠勁。(TVB圖片)
根據《深宮計》嘅劇情發展,飾演太子妃王蓁嘅胡定欣,會隨李隆基登基而獲封皇后。不過網民對於胡定欣嘅「古裝Look」似乎有啲「先入為主」,覺得佢比較啱做宮女、俠女角色!

宣萱

圖︰宣萱喺劇集《萬凰之王》中飾演全妃鈕祜祿‧伊蘭。(影片截圖)
宣萱喺劇集《萬凰之王》中飾演全妃鈕祜祿‧伊蘭,同胡杏兒飾演嘅佟佳‧沅宛先後封后,之後因為爭寵,加上太后(黃淑儀飾)挑潑離間,所以處處被迫害,不過伊蘭同樣攻心計,點會就咁俾人蝦呀!如果單睇皇后造型﹐宣萱就比同劇嘅胡杏兒霸氣得多喇!

胡杏兒

圖︰胡杏兒因《萬凰之王》一劇而獲封「視后」。(影片截圖)
胡杏兒憑《萬凰之王》攞到「視后」,佢演嘅皇后佟佳‧沅宛相當心恨手辣!喺皇帝面前就扮小鳥依人,背後就不斷出陰招對付宣萱飾演嘅全妃。胡杏兒演嘅皇后集甜美同奸險於一身,演技上都有好多發揮㗎!

蔡少芬

圖︰蔡少芬喺《洛神》入面以紗巾遮臉嘅一幕,實在經典!(影片截圖)
蔡少芬喺《洛神》入面飾演甄皇后甄宓,佢以紗巾遮臉嘅招牌動作,相信都令好多觀眾留下深刻印象!而蔡少芬之後在都有參演內地劇集《甄嬛傳》,喺劇中飾演「腹黑」皇后,佢嘅皇后造型同樣霸氣!

河智苑

圖︰河智苑喺韓劇《奇皇后》飾演元朝皇后奇承娘。(網上圖片)
韓國代表方面,河智苑喺韓劇《奇皇后》中飾演元朝皇后奇承娘。係歷史上,呢位皇后來自高麗,係元朝末代皇帝元惠宗(元順帝)嘅第三任皇后。不過唔知係咪古裝韓劇造型多數冇咁跨張呢?無論頭飾、服裝都冇香港、內地嘅古裝劇集咁架勢!

范冰冰

圖︰一起歌,大家都會記起范冰冰飾演嘅「登上懸崖峭壁的女子」!(網上圖片)
范冰冰參演《武媚娘傳奇》,現活咗武則天呢位「登上懸崖峭壁的女子」!有人仲話,范冰冰嘅武則天造型係歷代最美艷嘅!可以跑贏劉嘉玲、斯琴高娃、潘迎紫、劉曉慶、賈靜雯等女星嘅武帝造型!唔知大家又有幾Like佢嘅演繹?
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟