【深宮計】佢哋都係太平公主 相同角色不同方法演繹!

圖︰佢哋全部都係太平公主!(網上圖片)

無綫重頭劇《宮心計2深宮計》,陳煒飾演嘅太平公主「奸得嚟有層次」,如此好戲,分分鐘可以令佢登上「最佳女主角」寶座!講到演技同角色處理,即使係演同一個角色,都可以有好唔同嘅演繹;就以太平公主為例,多年來不同劇作入面,由唔同演員飾演嘅太平公主,感覺都好唔同㗎!

應采兒︰《美人製造》喜感十足

圖︰應采兒在《美人製造》飾演的太平公主只在其中一個單元登場,且喜感十足!(網上圖片)
《美人製造》一劇,主要講述一名宮中美容聖手受陷害嘅故事,應采兒飾演嘅太平公主,只出現喺其中一個單元,以「公主的秘密」形式登場;由於劇情較為輕鬆,應采兒做太平公主都可以展現喜感!

楊恭如︰《唐宮燕之女人天下》柔弱似妃子

圖︰楊恭如係亞洲小姐冠軍出身,飾演嘅太平公主又靚又柔弱。(網上圖片)

亞洲小姐冠軍出身嘅楊恭如,外表靚、感覺柔弱,在《唐宮燕之女人天下》飾演太平公主,都可以keep住優雅!雖然此劇同無綫《深宮計》都係講太平公主與唐玄宗鬥爭,但靚女楊恭如係「唔洗用劍嘅」,用靚樣就得,唔洗好似陳煒咁演到「臉容扭曲」!

周迅︰《大明宮詞》調皮公主

圖︰周迅飾演的太平公主,比較調皮。(網上圖片)

周迅飾演嘅都係調皮味濃嘅太平公主!《大明宮詞》故事較多講述太平公主少女時代嘅愛情故事,包括佢16歲時偷偷出宮,邂逅薛紹等;最後薛紹去世,太平公主要面對另一段婚姻,仲同武則天母女關係決裂!

鄭爽︰兩度出演太平公主

圖︰鄭爽於《武則天秘史》同《太平公主秘史》,都做過太平公主。(網上圖片)

鄭爽喺《武則天秘史》同《太平公主秘史》,都做過太平公主。由於《武則天秘史》主要係講唐代武則天,鄭爽飾演武則天嘅細女,只係一個天真無邪嘅女子。至於姊妹作《太平公主秘史》,鄭爽終於擔正做主角,劇情講述太平公主同安定思公主對調身份,鄭爽仲要一人分飾兩角,主力講浪漫愛情故事。

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟