【係幾似嘅】回應唐琳玲「戴佛珠」「上帝」現身fb、ig貼圖

圖︰成日回應香港時事嘅上帝,睇到唐琳玲「戴佛珠」,今日(30日)都忍唔住喺fb同ig抽抽水!(網絡截圖)

成日現身回應香港時事嘅「上帝」,今日(30日)又現身於fb、ig發文,而今次嘅主角係因為在法庭影相而引起一連串風波嘅唐琳玲。

上帝又要回應了!

話說日前有傳媒影到唐琳玲手上戴住疑似「佛珠」嘅飾物,但唐琳玲喺庭上聲稱有同Jesus(耶穌)傾計,又話「耶穌認為這(在法庭影相)是一件小事」,因而引起唔少網民熱論!「上帝」於是又要現身,喺fb、ig發文,留言話︰「佢食兩家茶禮!」「上帝」喺貼圖仲寫上︰「耶穌表示︰拍照事小!帶佛珠事大」。

網民對於此事熱烈回應指︰「佛祖叫我唔好影嫁,不過耶穌話無事喎」、「耶穌叫佢信佛」,亦有網民嘗試「曲線」解話指該飾物為「唸聖母經所(以)要用既(嘅)念珠」。

唐琳玲今早被押解至高等法院應訊,法官下午決定將其涉嫌藐視法庭的指控延至明日(31日)審訊,唐琳玲仍需還押,由懲教署看管。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟