【大叔的愛】周六大結局 黑澤部長與男主角步入教堂?

圖︰究竟黑澤部長同小職員春田創一嘅感情線點收科?星期六就有答案喇!(官網圖片)

日劇《大叔的愛》話咁快就嚟到第7集大結局!雖然結局今個星期六(6月2日)先有得睇,但預告片就出現咗黑澤部長向小職員春田創一跪地求婚,同埋二人身穿米白色禮服步入教堂嘅片段!究竟呢場複雜嘅HeHe關係,最終會點收科?小鮮肉牧凌太又會情歸何處?好快就會知道答案喇!

凌晨播放 收視率高逾4%

《大叔的愛》係今季日劇嘅話題之作,劇情講述由33歲田中圭飾演嘅「直男」小職員春田創一,遇上59歲吉田鋼太郎飾演嘅黑澤部長;黑澤部長為咗春田創一而同老婆離婚,之後仲向春田創一展開瘋狂追求!同時,27歲小鮮肉林遣都飾演嘅牧凌太加入「戰圈」,上演一場搞笑又不失溫馨嘅「HeHe三角戀」。

據悉,呢套凌晨播放嘅劇集喺日本都好好收視,仲錄得超過4%嘅收視率!唔知今個星期播出嘅大結束,會唔會令《大叔的愛》嘅收視更上一層樓呢?

圖︰唔知大叔嘅跪地求婚,係咪真係打動到男主角春田創一呢?(官網影片截圖)
圖︰小鮮肉牧凌太(右),最後又會情歸何處?(官方圖片)
分享: