【深宮計】四司房都係選美出身 最有錢嘅竟然係佢?

圖︰4位司房都係選美出身,鬥靚就真係難分勝負喇!(網絡截圖)

大台劇集《宮心計2深宮計》,4位司房羅霖、張慧儀、康華、張文慈本身都係選美出身,全部都係「美魔女」!雖然個個都年過40,但「凍齡」技術高超,鬥靚就真係難分勝負;咁不如實際啲﹐鬥邊個最有錢啦!

最有先見之明 儲夠彈藥「買磚頭」

香港最貴嘅就係樓價,誇張啲講,真係「得磚頭、得天下」㗎!張慧儀要負擔養子嘅龐大醫藥費同學費支出,講唔上有錢;張文慈早年星途唔算順利,更有傳佢以8,000蚊底薪加入TVB,雖然佢否認傳閒,但有錢嚟講,都真係有啲距離!至於曾經做過少奶奶嘅羅霖,平時周身名牌,連facebook都用美酒相做個人照,表面上係最有錢嘅!不過據傳媒報道,羅霖本身並無持有物業,「冇磚頭揸手」自然唔係最有錢啦!

淨返低嘅康華,唔好睇佢一直都做三、四缐角色,46歲嘅佢入行24年,期間都有返內地拍劇「搵真銀」!儲到第一桶金之後,康華喺2012年買入荃灣朗逸峯兩個單位,仲將單位打通!兩個單位而家市值已經超過2,300萬喇!又有兩層樓,又揸60萬嘅AUDI代步,仲Keep得咁好,今次嘅比拼由康華勝出!

圖︰康華曾於受訪時透露,拍劇休息時如果未食完飯盒,有時都會留起當下一餐㗎!(康華ig圖片)
分享: