【新女友細30歲】陳嘉上戀大陸女演員夏沫僑 異性緣旺!

圖︰58歲導演陳嘉上與28歲大陸女演員夏沫僑。(網絡截圖)

58歲導演陳嘉上,執導多年除咗電影拍得成功,異性緣亦超旺!90年代拍《小男人週記II 錯在新宿》,識到曾參選香港小姐嘅前妻陳慧儀,結婚3年後離婚;95年就同合作執導電影《飛虎》嘅Ivy何韻明相戀5年,之後有過圏外女友,最近更與細自己30歲嘅28歲大陸女演員夏沫僑拍拖!

被拍到與夏沫僑遊香港

現主力於內地發展嘅陳嘉上,日前被拍到與妙齡少女同遊香港!後來證實,對方係2011年有份參演《畫壁》、《四大名捕》系列嘅大陸女演員夏沫僑,亦即係陳嘉上嘅現任女友!

夏沫僑前名李欣燁,1990年生於四川,畢業於河北傳媒大學;因為接拍陳嘉上執導嘅電影而廣為觀眾認識。夏沫僑亦有拍劇,包括由導演高林豹指導嘅電視劇《真愛謊言》同《我家有個趙大咪》,亦有參演導演丁黑嘅電視劇作品《大秦帝國》,同埋馬偉豪嘅作品《蝴蝶公墓》等。2016年,夏沫僑更遠赴日本,為李克什導演及指導嘅電影《從地獄歸來》擔任女主角!

陳嘉上︰《畫壁》是我離婚的過程

陳嘉上離婚後雖然經歷過多段戀情,但仍未有一段可以開花結果。陳嘉上曾經喺宣傳自己執導嘅電影《畫壁》時,罕有咁談及感情事:「朱孝廉(電影男主角)嘅猶豫、面對愛情跟人生嘅選擇,確實是我!呢部戲就係我離婚嘅過程。不僅是朱孝廉,鄒兆龍飾演的孟龍潭其實也是我。過去的陳嘉上曾經有一段時間跟孟龍潭一樣有很多女人,可是那個感覺真的是地獄!其實朱孝廉的書童願意為愛情犧牲,這個也是我。」

陳嘉上仲話:「我曾經對一啲愛情不敢觸碰,只係不停咁奉獻,覺得只要佢好,我就會好開心。所以呢部戲裏面的幾個男人,其實就是我本人真實的愛情經歷!我真的是非常直白且坦白地,把我的人生剖開來給大家看!我就是這樣一個男人,沒有你想像或認為的那樣強勢,也不是甚麼英雄人物。」

圖︰陳嘉上前妻陳慧儀,近年專注發展啫喱雕花藝術;前女友何韻明,現為電影投資及製作公司的董事總經理及監製。(網絡圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟