【深宮計】恐怖!太子妃重建回心院 同唐朝酷刑有淵源?

圖︰劉心悠飾演嘅宮女,誤打誤撞揭發咗太平公主軟禁宮女喺田心宮長期虐打。(網上截圖)

《宮心計2深宮計》第5集講到太子妃(胡定欣飾)掌管後宮後,決定重建回心院,但宮中有傳聞話,回心院每逢月圓都有死咗嘅蕭淑妃番嚟怨魂索命;故事更發展到太子妃同太平公主(陳煒飾)為咗拆唔拆個田心宮而爭坳!究竟呢個回心院有咩恐佈傳聞?同唐朝酷刑又有咩淵源?真相都幾恐佈吓,細膽者慎入!

蕭淑妃與「骨醉」酷刑

點解蕭淑妃回魂咁恐怖?原來蕭淑妃被武則天施酷刑處死嘅!相傳蕭淑妃被武則天囚禁,先帝經過囚禁地,而聽到蕭淑妃哀嚎、心生憐憫,就將該地改名為回心院。武則天知道之後大發雷霆,將蕭淑妃用鐵鏈鎖住日夜毒打,再將佢嘅手腳斬斷,做成「人彘」;更將慘變「人彘」嘅蕭淑妃放入一個裝滿酒嘅大缸,並將酷刑名為「骨醉」。

武則天在位期間為咗排除異己,而發明好多唔同嘅酷刑,例如︰要犯人赤裸身體跪喺碎瓦礫、雙手捧枷舉過頭頂嘅「仙人獻果」;迫犯人爬上高梯,用繩綁住佢條頸,令犯人跌死或者窒息而死嘅「玉女登梯」等,用刑手法如此不人道,真係聞者震怒!

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟