【選完即走】雷莊?將回加拿大發展 「唔續約」港姐有佢哋!

新一年度香港小姐開始接受報名,獲選冠軍港姐將要於當選的一年內,代表香港出戰世界性選美比賽,以及出席其他宣傳香港的活動。雖然有唔少冠軍港姐會於一年後留守TVB,但亦有唔少人選擇離開,甚至一年都未做夠,就被TVB「雪藏」。
圖︰2017年港姐冠軍雷莊?表示﹐自己將會在今屆港姐完結後,返回加拿大追尋自己的演員夢;不再繼約TVB。(IG圖片)

就好似2017年港姐冠軍雷莊?,早前出席活動時已明言自己將會返回加拿大,話要繼續追尋演員夢。據悉,雷莊?的牙醫男友現居加拿大,更有報道指雷莊?曾為見來港男友而「推job」,似乎回加國唔只係為咗發展咁簡單!雷莊?希望今屆港姐(9月)完結後離港,但TVB的合約要到12月,唔知TVB會唔會提早放人?

請病假唔參選海外賽 張舒雅被雪藏

人稱「最hea」嘅2008年港姐冠軍張舒雅,大熱當選後開始向TVB長期請病假,又唔出席活動,更退選世界小姐及國際中華小姐競選。請病假期間仲俾傳媒影到佢繼續去玩,難怪TVB嬲到震!將佢雪藏、罷免晒佢嘅工作,連幫2009年港姐冠軍加冕嘅任務,都要由1977年港姐冠軍朱玲玲代勞,認真「醜怪」!
圖︰張舒雅本身都幾有觀眾緣,但衰在「自暴自棄」唔做嘢,被封為「最hea」港姐。(IG圖片)
冇得留喺大台繼續發展,張舒雅於完約後轉戰模特兒界工作。

嫁入豪門 劉慧蘊翁嘉穗做少奶奶

港姐經常要出席活動,識到有錢老公嘅機會自然多咗。1997年香港小姐冠軍翁嘉穗、2000年香港小姐冠軍劉慧蘊當選後都分別嫁入豪門,前者老公係七海化工集團有限公司主席鄔友正,劉慧蘊老公則為家族從事玩具生意的富家子林孝基。

圖︰翁嘉穗老公為比她年長20年、任職七海化工集團有限公司主席的鄔友正。(微博圖片)

翁嘉穗同劉慧蘊都係當年港姐的「四料冠軍」,但既然可以做豪門少奶奶,佢哋一年後都冇再續約TVB。

林敏俐李美珊 回美國完成學業

香港小姐講求美貌與智慧並重,亦有冠軍人馬選擇在履行港姐職務後繼續學業。2002年香港小姐冠軍林敏俐,在參選港姐前在美國修讀大學課程3年,有傳她不續約TVB是為了完成學位;亦有報道指她要接手亡夫的生意,並回美國照顧媽媽和兩個妹妹。

圖︰林敏俐參選港姐前,在美國修讀大學課程3年,有傳她不續約TVB是為完成學業。(網絡圖片)

至於香港第一位碩士生港姐勝出者、1986年香港小姐冠軍李美珊,亦因要回美國讀完當時正在修讀的課程,而未有續約TVB。長居海外的李美珊現在仍為慧妍雅集會員,不時會回港出席活動!

分享: