【唔洗問魔鏡】劉心悠、迪麗熱巴邊個最靚?請睇相!

圖︰劉心悠同迪麗熱巴邊個靚?古裝Look嚟講,兩個都靚!(IG圖片)

無綫黃金時段劇集呢期「靚女雲集」!《烈火如歌》有迪麗熱巴,《宮心計2之深宮計》更有劉心悠主演,兩位靚女,一位係80後嘅美女代表,另一位係近年人氣急升嘅90後演員,究竟邊一個最靚?即係睇相比拼一吓先!

古裝一樣靚

劉心悠喺《深宮計》入面著起唐朝服飾、配上髮髻,完全散發出古代女性嘅古典美;至於五官立體嘅迪麗熱巴,唔同朝代嘅服飾都一樣Carry到!正所謂著時裝又得、變返古裝亦得,得咗!

眼鏡Look

再睇眼鏡Look!眼鏡要帶得靚,先要面型靚,當然兩位靚女都符合呢個條件啦!劉心悠戴咗眼鏡之後,好有鄰家女孩Feel;至於面型較長嘅迪麗熱巴,戴咗眼鏡之後就顯得冷豔中帶點斯文。

圖︰劉心悠(右)嘅眼鏡Look好有鄰家女孩Feel,迪麗熱巴(左)嘅眼鏡Look就冷豔中帶點斯文。(IG圖片)
圖︰睇埋太陽眼鏡Look先,感覺似乎同眼鏡Look相約。(IG圖片)

鬥甜美可愛

雖然劉心悠已經37歲,但可愛指數絕對唔會少過90後嘅迪麗熱巴!睇睇劉心悠嘅生日相,輕輕加個貓貓貼圖已經Perfect了!而戴上bear bear帽嘅迪麗熱巴亦多咗一份可愛!

圖︰劉心悠(右)出名笑容甜美,迪麗熱巴(左)戴埋bear bear帽都未必夠佢笑得甜美可愛!(IG圖片)

素顏邊個靚?

素顏嚟講,25歲嘅迪麗熱巴今次佔上!雖然成日拍劇冇咩時間休息,但係除咗黑眼圈大啲之外,迪麗熱巴喺素顏方面,的確係比劉心悠優勝!素顏後,劉心悠嘅面色較黃,五官都唔夠維吾爾族嘅迪麗熱巴深邃。

圖︰劉心悠(右)素顏後面色較黃,迪麗熱巴(左)除咗黑眼圈大啲,皮膚同五官方面都較優勝!(IG圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟