【深宮計】掌珍會被太平公主毒殺? 關宛珊拍死屍戲遊客讚靚女

圖︰喺《宮心計2深宮計》飾演司珍房掌珍嘅關宛珊話,拍死屍戲最難忘。(微博、IG截圖)

剛剛播出嘅一集無綫重頭劇《宮心計2深宮計》,講述由關宛珊(Kimmy)飾演司珍房掌珍同駙馬曾偉權,錯手殺死咗太子妃陸詩韻。Kimmy透露,自己仲拍咗一場好難忘嘅死屍戲!據悉,佢飾演嘅掌珍最後會被太平公主陳煒秘密毒殺!又殺太子妃、又要扮死屍,角色有咁多地方發揮,Kimmy都話好開心!

粉嶺拍死屍戲 遊客讚靚要合照

Kimmy話﹐喺粉嶺拍攝死屍戲當日遇上大批遊客,佢化住死屍妝,都俾班遊客不停讚佢靚,「仲係咁要(同我)合照,好搞笑!」

不過,出外景扮死屍都咪話唔辛苦!Kimmy要喺樹下由朝曬到太陽落山,夜晚連飯都未食就要換過個妝,再拍攝另一個shot。由於日夜溫差大,Kimmy形容,當日就好似經歷咗四季咁,結果第二日仲病咗呀!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟