同億萬富豪男友玩完?廖碧兒避走溫哥華讀書

廖碧兒(Facebook圖片)

藝人廖碧兒(Bernice)今年3月被爆出同40歲嘅失婚富二代盧啟賢(Calvin)同遊芬蘭傳出戀情。不過,Calvin認識Bernice前已有一個感情穩定嘅泰籍百億電訊太子女女友Nina,廖碧兒就被指疑似第三者。

本月13日,Calvin再被影到同正印泰籍女友Nina一齊睇騷,疑似同Bernice玩完。而廖碧兒近日錄制電台節目時自爆返咗去加拿大溫哥華讀書,唔知是否為避富豪男友。

廖碧兒疑與億萬富豪男友分手,男方約正印女友睇騷。(Instagram圖)

講返去溫哥華讀書,Bernice話係完成心願︰「我自己本身都好鍾意讀書,我唔知大家知唔知,我本身係讀醫,入大學想做醫生幫人,中間轉咗科,之後又選美啦,咁我成個世界轉變咗去咗香港。」Bernice並未提及與Calvin的感情事,只是大談昔日喺溫哥華嘅生活,仲講下屋企人,好似家姐、細佬都結咗婚,生咗小朋友,父母都要北京、香港、英國幾邊走。

分享: