【個鼻大咗…】魏如萱「陀B論」生女變靚、生仔會醜樣大鼻?

圖︰魏如萱早前在Facebook分享「陀B論」。(FB圖片)

台灣歌手魏如萱(娃娃)自從公開咗自己嘅懷孕消息後,不時都會喺Facebook分享吓「生B」post!早前佢就上載咗一幅相,話要大家估吓佢生仔定女,仲分享咗一個「陀B論」,唔知係咪貼士嚟呢?

粉絲提出更多「陀B論」

娃娃喺帖文話︰「小姐姐們說如果是女生就會變漂亮,如果是男生的話,會變醜,鼻子也會越來越大,會一直膨脹變得很大,到快要生的時候,整張臉只會看到鼻子,哈哈哈哈哈哈哈!」仲hashtag話「大家請猜」。

對於娃娃嘅「陀B論」,粉絲就留言,提出更多「陀B論」。有粉絲話︰「生男生懷孕期間唱歌會比平常略低一個半音左右」、又有留言反問︰「不是要看肚子尖尖才是男生嗎」,亦有粉絲「突破盲腸」話︰「怎麼辦,有點像吳君如」;不過都有唔少粉絲覺得娃娃個鼻真係大咗嘅!

陀B跳住唱 嚇到奶奶打電話提點

上周末剛完成兩場《塗眠》演唱會嘅娃娃,繼續忘我跳住唱,仲話自己係「地表最強孕婦」!不過演唱會後,娃娃就收到奶奶(嫲嫲)嘅電話,對話係咁嘅……

奶奶:「我有看到你在電視上唱歌!我跟你說你唱歌腳不要一直踢!」

接著就是娃娃的大笑︰「哈哈哈哈哈哈哈哈哈⋯」

奶奶:「你可以小心一點嗎?你可以溫柔型一點嗎?不然你小孩生出來會很調皮~」

娃娃:「哈哈哈哈哈哈哈,好啦好啦!我就是要趁現在還跳得動趕快跳一下啊,之後就跳不起來了啦!」

奶奶:「拜託你要注意,走樓梯也要小心,我就是要跟你說這個啦,沒了。」

娃娃就話,下次會儘量以「最大的微晃」演唱︰「調皮也沒關係啦,醫生說寶寶腳很長,帶去打籃球好了!」佢仲話︰「下次麥克風應該要準備無線的,不然我自己去買一支專屬的好了,線太長大家看了怕我絆倒或勾到也是很緊張,好啦,我知道了啦,我下次會儘量最大的微晃,i will be fine~」

圖︰從粉絲拍嘅演唱會影片見到,娃娃真係唱到起晒腳嘅!(YouTube截圖)
分享: