阿叻上電台節目 言論出位惹爭議

陳百祥錄制港台節目《視點31》。(網絡圖片)

陳百祥(阿叻)日前做客港台節目《視點31》,身為職業高爾夫球協會名譽會長嘅佢,先是直斥高爾夫球場起住宅係荒謬,隨後在講緊香港土地問題時爆出惹火言論,話「你嚟得香港住,就要接受香港從來都係貴地價㗎嘞,而家講緊西雅圖、美國人都要瞓街,而家(香港人)都係瞓細啲嘅房,細啲嘅廳啫。」好多網友都話阿叻又喺度「呃嬲嬲」,更有人質疑節目特登搵阿叻,「博佢又講出位言論」。

陳百祥又爆惹火言論。(網絡圖片)

《視點31》監製唐敏明就話搵阿叻上節目,只係因為阿叻係代表緊高爾夫球愛好者嘅立場:「佢講嘅嘢,一定會有人同意,同時亦都一定有人唔同意。我多謝佢願意上嚟討論。」

「節目必會變為業餘」

而填詞人林振強生前曾將阿叻評為「最有影響力的人」,「阿叻是我的偶像,他可以獨力改變一個電視節目的質素,任何電視節目,只要見阿叻有份出現,你就知道,這個節目必會變為業餘、不認真,和像馬戲團。」

(網絡圖片)

阿叻講嘢其實一直都好爆,早年佢上港台節目《我係乜乜乜》時嘲諷黃之鋒:「8間大學都考唔到,我點話你叻呀!」又話佢自己如果今日後生啲,就有機會做到facebook創辦人:如果自己係90後,更加有機會做到特首呢個位添。搞到黃之鋒忍唔住喺網上回應佢:陳百祥冇讀大學,會考得13分,咪照樣做咗一線藝人。

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟