獲曾志偉認可 「女飛虎」王敏奕戀曾國祥脫貧住豪宅

王敏奕靠曾志偉仔曾國祥脫貧。(網絡圖片)

喺大台出緊街嘅劇集《飛虎之潛行極戰》中成為飛虎隊唯一一位「女飛虎」的王敏奕因有樣有演技,被網民封為新一代女神。其實,人氣急升嘅王敏奕出道已經12年,14年同曾志偉兒子曾國祥戀愛後飛上枝頭,從公屋搬到曾國祥喺九龍塘千呎豪宅。不僅如此,王敏奕亦將多情嘅曾國祥改變成專一男人,且曾國祥專心創作拍出《七月與安生》呢部大熱電影,令曾志偉哥對佢呢位未來新抱贊口不絕。

王敏奕同曾國祥交往四年感情穩定。(網絡圖片)
王敏奕憑《飛虎之潛行極戰》人氣急升。(網絡圖片)

戀曾國祥後撤離公屋豪宅同居

王敏奕06年出道,由model仔做起,單親家庭長大嘅佢同阿媽及一個細佬住喺柴灣公屋。直至14年王敏奕遇上曾志偉兒子曾國祥,從此撤離公屋脫貧,二人拍拖不久後便喺男方九龍塘千呎嘅豪宅同居,又有曾志偉泵水照顧生活、安排工作。

王敏奕同曾國祥交往四年感情穩定。(網絡圖片)

王敏奕嘅生活因男方幾級跳,不時拍拖外遊嘆世界,至於工作亦有未來老爺做靠山。據悉,王敏奕憑無綫劇《女人俱樂部》飾演「翻版李麗珍」上位就係靠曾志偉推薦。未有令曾志偉失望嘅王敏奕也獲曾家人認可,不時在曾家家庭聚會中現身。

王敏奕同曾志偉、曾國祥合影。(Instagram圖)
王敏奕、曾國祥同曾志偉、曾寶儀合影。(Instagram圖)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟