【唔係割盲腸咩?】韓星金佳妍做手術慘被誤切卵巢!

圖︰金佳妍喺節目講述自己遭遇嘅醫療失誤經歷。(影片截圖)

45歲、曾參演韓劇《巴黎戀人》嘅韓國女星金佳妍,日前喺綜藝節目上講述自己不幸遭遇醫療事故嘅恐怖經歷,仲令佢自此好驚去醫院!金佳妍喺節目上表示,中學一年班時曾因為腹部劇痛要做手術,本來以為係盲腸炎,但醫生做手術時先發現佢盲腸無事,反而係卵巢旁邊有一個細嘅神經節囊腫,於是將腫瘤切除。

30分鐘手術變3個鐘 麻醉唔夠痛醒!

割盲腸手術一般只需要30分鐘就完成,但切除腫瘤就要比原先時間長好多;加上中途麻醉失效,金佳妍竟然做做吓手術醒咗!金佳妍話︰「因為一開始做嘅係盲腸手術嘅麻醉,有效時間唔長,我喺手術中途醒咗。 好想講實在太痛,但又講唔到嘢;醫生見到我流眼淚,又再幫我麻醉,真係大受打擊! 」

手術做完,以為咩事都無啦!點知,到佢大個咗去做婦科檢查時,先知醫生唔只幫佢切除腫瘤,連一邊嘅卵巢都切埋!而且係不必要嘅治療!金佳妍指︰「因為得返一邊卵巢,我比一般人更難懷孕。 」

圖︰好彩佢最後都順利生到兩個可愛囡!(IG圖片)

好彩金佳妍之後都順利生咗兩個好可愛嘅囡囡!不過呢段慘痛經歷就令佢留下陰影,金佳妍話,而家去醫院吊吓鹽水都驚到震呀!

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟