【驕傲炫靚媽】李嘉欣爆母親對打扮嚴要求 唔靚要返屋企換衫

李嘉欣上載為媽媽慶祝生日嘅合照。(Instagram圖)

母親節臨近,唔少藝人就特意抽空返家陪母親過節。下月就49歲嘅李嘉欣2008年嫁給中建太子爺許晉亨,婚後誕下囝囝Jayden Max(許建彤)。今年2月,李嘉欣喺ig上載一張慶祝李媽媽生日嘅合照,更爆出原來媽媽已經八十歲,佢亦驕傲留言:「我係覺得好光榮,因為媽咪唔止個樣,係健康啦、思想啦,各方面好似六十幾歲。」相中,李媽媽皮膚白哲,外型體態呈「凍齡」狀態,看來只像六十幾歲。李嘉欣透露,母親對姊妹倆打扮要求嚴格「規定兩人出街一定要穿裙,裝扮得唔夠好要返屋企換衫!」

李嘉欣、許晉亨一家三口。(Instagram圖)

唔少網友睇照後留言:「原來李嘉欣的高顏值、超強基因完全遺傳自媽媽」。嘉欣透露,李媽媽對兩姊妹打扮自小就很有要求。母親要規定兩人出街一定要穿裙,裝扮得不夠好仲會被「打回頭」返屋企換衫。佢透露:「雖然唔係好富有嘅家庭,但媽媽會堅持去一間出名嘅百貨公司,買啲好靚衣料嘅衫俾我哋,襯好曬一套套先出嚟見人。」直到現時,李媽媽依然會提醒佢哋姊妹倆,「少穿波鞋,多穿高跟鞋!」

李媽媽一人湊大嘉欣姊妹

原來,李媽媽唔止保養得宜,仲一人將嘉欣與家姐嘉明打工湊大。因嘉欣葡萄牙籍父親移情別戀、離家出走,三母女一度曾在鐵皮屋棲身,嘉欣14歲那年亦開始半工讀,幫補家計。

49歲李嘉欣保養得宜皮膚仍似少女。(Instagram圖)

封肚不生二胎

李嘉欣嘅囝囝許建彤已7歲,她稱將同囝囝一起度過第7個母親節。嘉欣坦言,最希望收到囝囝用中文寫嘅情書。被問到會否再生,李嘉欣表示:「唔生啦!」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟