前港姐任葆琳從政打擊違泊 被指其身不正

前港姐任葆琳嘅司機被指控違泊成個鐘。(Facebook圖)

現年45歲、有「哈佛小甜甜」之稱嘅任葆琳(Pauline),於1997年參選港姐加入娛樂圈多年。棄影從商之後走咗去從政的她2016年當選成為香港仔區區議員,喺Pauline個人臉書專頁可以看到呢兩年任內,佢主打區內汽車違泊問題。不過日前,喺南區之友嘅臉書網頁中,有司機指控Pauline嘅司機違泊成個鐘,話佢其身不正。隨後,Pauline在臉書發文,疑自己違泊斷正,「事件上自己責無旁貸,而且作為區議員應該係嚴己寬人」:「如果我知道當然唔會畀件事發生,但唔關位司機事,責任在我,因為我係僱主,冇令佢充份明白點做。」

Pauline:「我負全責」

該司機指控Pauline「打違泊、自己違泊,其身不正」。身為當事人嘅Pauline事後喺fb公開道歉,「之前兩年我自己駕駛,但區務太忙兼不停出入議會開會,有時返office15分鐘又走,頂唔順亦唔方便故數月前再請司機。我已多次提醒新司機不能違泊,但事發後溝通過明白司機真心出於好意,想最快最方便我為我服務,而且覺得以往經驗,無黃線有司機在車便非違泊無問題;但其實條例說明『停車時間不可超過上落客所需的時間』,就算一般市民過到骨(如後面投訴我的那位車主自己),我們從政有更嚴格水平。無論如何,我作為僱主沒有溝通好及管理好,已經要負全責。」

任葆琳為司機違泊道歉。(Facebook圖)

關心民生

至於港姐同藝人身份,Pauline表示最大幫助係會令到市民較易接受自己。近期,Pauline則係關心滅蚊、捉老鼠呢類民生問題。

任葆琳表示近期關心滅蚊、捉老鼠呢類民生問題。(Facebook圖)
前港姐任葆琳舊照。(微博圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟