【9月跑唔到?】吳日言「佛系」認佗B︰時候到了,大家都會知道!

圖︰吳日言曾直認想生狗年B,似乎呢個願望好大機會實現了!(吳日言Facebook圖片)

吳日言(阿Yan)日前(3日)同老公Barry出席鐘錶活動,談到今年9月嘅慈善跑活動,去年有參加慈善跑嘅阿Yan就話今年因「時間唔啱」參加唔到。

直言「恨咗好耐!」

記者追問阿Yan係咪有好消息宣佈?佢首先「佛系」回應話︰「唔想太過操勞,想養好身子。時候到了,大家都會知道。」當問到阿Yan鍾意仔定囡時,佢就話︰「我鍾意女仔,老公鍾意男仔多啲,其實生仔生女都開心,因為恨咗好耐,係第一次,仔女都係我嘅寶貝。」

吳日言與老公相識18周年,今年1月頭就上傳同老公嘅合照「放閃」,仲話「今天我們要努力做」,惹來網民遐想。(Facebook圖片)

曾話想生狗年B

阿Yan同老公Barry喺2016年10月去咗沖繩註冊結婚,今年1月頭又上傳同老公嘅合照「放閃」,慶祝18周年紀念日,仲留言話「今天我們要努力做」,惹來網民遐想;佢哋又喺1月尾在香港補辦婚禮!由於Barry屬狗,阿Yan又覺得自己同屬狗嘅人比較夾,佢就曾經話過想2018年生返個狗年BB!

希望阿Yan願望成真,時候到了,大家就可以正式向佢送上祝賀!

圖︰身材一向苗條嘅阿Yan,4月尾出席江若琳麵店開張,睇返當日嘅合照似乎已有點孕味。(吳日言Facebook)

 

分享: