粵語非母語?鄭中基寸教育局局長:你辭職啦!

鄭中基寸教育局局長楊潤雄﹝Instagram圖﹞

教育局近日被網民踢爆於2013年向全港小學派發普通話課程配套資料中,有一篇文章提及廣東話只是漢語其中一種方言,不是嚴格意義上「母語」之義,引起熱議。 事後教育局局長楊潤雄回應指文件旨在提供予老師或界別人士,去看社會唔同學者對母語嘅睇法。至於政府對「母語」的立場,他強調從小學教育以廣東話為主,便可清楚教學語言上政府立場。身為家長嘅鄭中基5月3日喺臉書留言:「你細個阿媽點教你講說話?你0依家係點樣諗嘢?用咩語言邏輯?點解連母語係咩都要問人?仲要問個講國語嘅人,你唔好問個西人?你點樣做教育局長?你辭職啦!」

粵語只屬方言?

呢篇由中大研究普通話學者撰寫嘅文章中,提到「香港漢族人的母語是漢語」,粵語只屬方言及「地域變體」而非「母語」,普通話先係「正規嘅語言教育」。杜汶澤亦喺臉書反問:「教育局你噏乜X啫?其實如果粵語,唔係你嘅母語,咁我X你老母你都唔知我講乜啦!」

分享: