某名女校前身係亂葬崗 麥明詩:聽聞泳池最猛鬼!

麥明詩:「聽聞某女校泳池最猛鬼」 。﹝Instagram圖﹞

香港猛鬼嘅學校唔少都流傳鬼故,無綫新晉花旦、曾畢業於英國劍橋大學嘅麥明詩曾就讀女校,佢就表示有聽過泳池猛鬼,某知名女校喺抗日時期被用作做亂葬崗,特別係泳池最猛鬼!

有人泳池被鬼猛腳

麥明詩表示,有聽過該女校泳池猛鬼:「夏天上體育堂都會游水,有聽過有人被鬼猛腳,然後扯落水底,所以一唔小心會好易浸親,好多同學都唔敢游去深水嗰邊。」傳聞,泳池底形狀亦好怪,泳池通常都係由淺到深慢慢斜落去,但係呢個泳池淺水嘅位置水只係去到腰間,然後就突然直插幾米深,深淺差距好大。據知因泳池較淺嘅位置再掘落去就會掘到骸骨!

麥明詩之前晒失敗嘅片,網民嘅注意力放咗喺佢驕人嘅身材上面(影片截圖)

夜晚樹根會纏人

相傳,該傳統名女校校由建校至今已經有150幾年歷史,喺香港咁耐歷史,當然經過二次世界大戰,喺日軍佔領香港嘅時候,被佔用為憲兵總部。被日軍佔用校園嘅時候,游泳池同埋小學部花園嘅位置都係刑場同埋亂葬崗。有該校嘅舊生就透露小學部花園好猛鬼,經常都會有同學仔玩搖搖板嘅時候受傷,而搖搖板隔離就有一形狀奇怪嘅棵樹。到夜晚黑向住嗰棵樹嘅樹根講「Cleopatra」,樹根會纏住你,因為有個女仔被埋喺下面。

分享: