【有創意我鍾意】謝霆鋒練結他手指起繭 改用腳紋解門鎖

圖︰謝霆鋒最近練結他練到手指起晒繭,用唔到指紋解鎖唔緊要,仲可以用腳!(微博圖片)

話說霆鋒最近勤練結他,練到手指起晒繭,面對智能新世代,用唔到指紋解鎖,分分鐘連屋企大門都入唔到!近日霆鋒於微博上傳3張相片,帖文寫到︰「最近練吉他,手指頭全起了繭子,家裡是指紋鎖,老不能解鎖,所以今天起錄腳紋。」

邊個影相先係重點?

對於霆鋒咁有創意嘅舉動,有粉絲留言問︰「那鋒哥你手機是不是也得錄一個腳紋解鎖」。但更多人關注邊個幫霆鋒完成呢個錄腳紋嘅「壯舉」,「哈哈哈哈我就想知道誰給你拍的」、「另一隻襪子是王菲在幫你拿著嗎」;亦有粉絲話︰「和菲在一起真的是越來越幽默了,兩個人真是般配,好久和菲同框甜蜜幽默一下哦」。

圖︰由霆鋒上傳嘅相片可見,佢啲手指真係甩皮甩得幾嚴重嘅。(微博圖片)
圖︰連睇落冇乜甩皮嘅食指都解唔到鎖呀!(微博圖片)

分享: