觀影遭行內人轟態度差 袁偉豪:唔想口舌之爭只講道理!

袁偉豪睇電影遭一班行內人炮轟態度差﹝網絡圖片﹞

萬眾期待嘅電影《復仇者聯盟3無限之戰》喺噚日終於上映,唔少行內人都被邀請去睇特別場,當中包括袁偉豪。不過,估唔到因為一包薯片,竟然喺掀起咗一輪風波。一位行內人就喺微博鬧爆「TVB小生」袁偉豪,指袁睇電影用極差嘅語氣唔準佢朋友進食薯片,並用不友善的眼神望住佢哋!26日,袁偉豪就喺微博回應:「我不想和你們有什麼口舌之爭,我已經好有禮貌且在你耳邊細聲說進食時細聲一點!只是希望大家可以説一點道理和給大家一些基本專重!」

行內人社交網留言﹝網絡圖片﹞

呢位不滿袁偉豪態度差行的內人留言寫道:「在場遇到一個自以爲天王巨星嘅TVB男artist,從好多TVB前輩口中都聽過呢位上位中嘅小生態度非常差,今日親歷其境,未開場我朋友同我傾偈,佢以為我朋友望佢,佢已經用非常唔友善嘅眼神『睥住』我朋友,到電影開始,我係食電影院購買嘅薯片,佢竟然用極差嘅語氣同我講,『你細聲啲!』我好肯定我係冇製造任何不必要嘅聲量,丫巨星不如你表演如何食薯片完全冇聲?」他又指:「坐得係呢個area嘅都係被主辦邀請嚟嘅人,簡稱行內人,你要覺得自己有幾紅先會用咁冇禮貌嘅語氣同人講嘢?真係火都嚟。」

袁偉豪﹝微博圖﹞

袁偉豪事後喺微博發長文說明當晚情況,「我並沒有用不友善的眼神望著你們,我只有對著當時正在進食nachos時把包裝發出聲響的那位朋友在他耳邊輕聲説聲:『唔好意思,可否細聲一點?』我冇唔準你進食!只係想你能為他人設想,進食時細聲一點!」文末,他亦隔空喊話對方:「無論你是『行內行外人又或者是什麼人也好』,我們都是主辦單位邀請來的賓客更是沒有分高低你我!」唔少網民都表示支持袁偉豪,不過亦有網民表示呢件事好難斷定誰對誰錯。

分享: