幾個月搵唔到卓林 吳綺莉被爆報警尋女

吳綺莉、吳卓林(微博圖片)

吳卓林早前在社交網宣佈「出櫃」,公開與30歲同性密友Andi的戀情,令其與母親吳綺莉(Elaine)關係再度惡化。雖然Elaine曾在社交網發文公開支持愛女的選擇,但Elaine隨後報警指自己寓所內約共17萬的財物不翼而飛,矛頭直指卓林女友Andi,卓林索性與Andi搬咗去北角劏房住。近日,有週刊指吳綺莉因幾個月搵唔到卓林,擔心到報警,甚至透過失蹤人口調查組搵卓林的朋友。

其後卓林搬走,並與同性密友Andi同居,其後更高調「出櫃」(Instagram圖片)

報道指,Elaine幾個月都搵唔到囡囡,見卓林多個月喺IG冇更新、WhatsApp又冇上線,疑似「失蹤」,Elaine因此報警尋人。不過,Elaine就回應:「應該冇問題嘅,有sms聯絡。」

上年三月,卓林曾報警指Elaine「刑事恐嚇」,令Elaine不得不開記招說明。而卓林亦冇理吳綺莉反對,堅持輟學,同網紅女友Andi同居,更搵咗一份攝影嘅工作,點知做唔夠兩個月,卓林就辭咗職。

分享: