黃一山要睇眼科 認患白內障約兩年

「細龜」黃一山近年主力喺內地發展,上星期先喺微博指拍攝新片《叫魂》辛苦;不過日前就有傳媒發現,「細龜」獨自前往位於何文田嘅香港眼科醫院求醫,而佢亦直認自己患有白內障約兩年。

圖︰細近年主力在內地發展,上星期才出席新片《叫魂》的宣傳活動。(黃一山微博圖片)

近年主力內地發展

「細龜」曾參與周星馳多齣電影的演出,在《逃學威龍》、《唐伯虎點秋香》、《九品芝麻官》、《破壞之王》,都可以見到佢以「御用配角」身份亮相。而近年「細龜」在內地發展,家人亦已定居內地,加上大仔患有先天腦白質退化症,「細龜」也長居內地,方便照顧大仔。

圖︰「細龜」經常在星爺電影中亮相。(影片截圖)

他日前接受媒體訪問時表示,自己約兩年前患上白內障,因為常常要看劇本,在外拍戲又經常接收陽光,令眼晴狀況更快變壞。對於身患白內障要排期做手術,53歲嘅「細龜」依然樂觀面對,「我而家開始老,跟住病、最後死,但很多人好不幸,只係經歷咗生、病,跟住就死喇!所以我覺得人可以經歷到生老病死、即悲歡離合都經歷過,呢啲先係人生!」

圖︰他在《逃學威龍》一片飾演的黃小龜,深入民心。(影片截圖)

如今要中港兩邊走嘅「細龜」,經常把握機會同好友相聚,在微博不時上載「聚舊」相片。

圖︰黃一飛、黃一山都是星爺電影中時常出現的人物。(黃一山微博圖片)
圖︰上月底一班《娛樂新聞眼》台前幕後成員聚會晚餐,黃一山當然要同舊拍檔古巨基影相留念!(黃一山微博圖片)
分享: