【開心速遞】送水輝動真情大小姐「心死」 網民大呼好虐心!

送水輝大小姐拍拖好冧﹝影片截圖﹞

處境劇《愛·回家之開心速遞》中最受歡迎嘅演員非「大小姐」林淑敏莫屬,她與「送水輝」許家傑這一對更是網民鍾意睇嘅CP之一。等了10幾集,繼早前一集中玩初戀無限Feel後,呢集二人就要「初戀有個Deal」,但當大小姐知道了送水輝對她咁好只是因為收了錢而提供服務,大小姐即刻夢醒、冷淡回應送水輝嘅「愛意」,令唔少網民都大呼好虐心!

送水輝餵大小姐食嘢﹝影片截圖﹞

故事講大小姐再度以龍小蓮身份幫襯送水輝的初戀套餐,今次她扮大學生同輝Dee (即送水輝) 拍拖,真係好sweet!送水輝唔止同大小姐拖到實行街街,仲餵大小姐食嘢,最後仲為了摘花給大小姐而受傷,冧到大小姐暈咁滯。而送水輝亦都終於對大小姐動了真情,特地去買髮夾送給大小姐,一諗起同大小姐嘅拍拖片段又冧爆甜笑,被朋友話他「沉船」時也沒有否認,仲笑得勁冧。但當大小姐知道送水輝對她咁好只是因為收了錢而提供服務,跟她拖手、對她甜笑同餵食亦不過是服務包含的三種基本元素時,一切都是為了賺錢,大小姐「心死」。

送水輝諗起同大小姐的拍拖時光冧爆甜笑露酒窩﹝影片截圖﹞

最後一幕,送水輝滿心歡喜咁入office房見大小姐,換來大小姐嘅冷淡對待,離開時大小姐眼尾都唔望下他,令網民睇得份外心痛!

分享: