女網民控訴「職場上肥係原罪」引迴響

(資料圖片)

有女網民以「喺職場上,肥係原罪」為題在討論區發文,稱因身型而受人閒言閒語,包括被面試官上下打量、同事冷嘲熱諷:「為乜公司最近請埋啲咁嘅豬扒返嚟,仲要一件肥膩過一件。」

網民:職場際遇要睇運

部分網民對事主表示同情,提醒她對於惡意的批評毋須太上心。有人留言謂,肥人好多時好親切,在職場上的際遇「真係睇運」;有人稱相信能力、技術,「可蓋過呢個罪」。

有網民感同身受,表示如果身型影響健康,便應減肥:「我肥左(咗)28年先開始減」。此外有人慨嘆「世界就係咁現實,話唔介意外表都係得個講字」。

分享: