「美容達人」變「家居達人」? 陳莉敏曾自爆整容30次

陳莉敏﹝網絡圖片﹞

無綫新節目《蝸居宅急變》自播出後就爭議不斷,其中唔少網民睇完後都指節目中嘅家居創意達人Queenie(陳莉敏)身分奇怪,佢向來被認之為美容達人,早年拍攝《盛女愛作戰》系列時,被定位為兩性愛情專家,如今因為家居節目又多了一個「家居創意達人」嘅稱號,令唔少觀眾睇完後都覺得其身份欠缺說服力。

不過,對於網民嘅種種質疑,《蝸居宅急變》監製張志明接受訪問時就話Queenie早已係家居創意達人,並設有個人網頁,更大讚佢能將地拖變Dior:「佢間中會買貴嘢,喺連卡佛看到嘅東西,會到鴨寮街找近似的物料DIY,我請她早喺一年多前已籌備。」

陳莉敏曾係「整容達人」﹝網絡圖片﹞

而早年活躍於網絡平台嘅Queenie可以說係元祖級網絡紅人,佢曾選香港小姐,也係香港嘅首位網上節目主播,主持過節目,亦完成法律課程,考獲瑜伽導師證書,現時亦有自己嘅生意。而觀眾對Queenie嘅認識卻是醫美達人,佢自稱試過整容30次,也曾不只一次坦言: 「我迷上了整容,臉上能動嘅地方都動過。」Queenie亦不諱言,幾乎嘗試了市面上絕大多數熱門整容項目的「資深代表」。

陳莉敏曾係「整容達人」﹝網絡圖片﹞

Queenie也曾喺節目《盛女愛作戰》中剖白自己走上整容路嘅原因,原來Queenie情路曾受重創,曾經跟廠佬有米男友同居於西貢獨立屋,其後男友變心,搵到另一個後生又靚女嘅新女友,令佢大受刺激。佢亦大膽喺节目中話自己曾經太虛榮:「一直都冇找到所謂幸福!」

分享: