知性美好吸睛!關禮傑高顏值大女英國讀碩士

關禮傑夫婦與大女關楓馨﹝微博圖﹞

關禮傑近日同老婆、大女關楓馨(Fabienne)一齊到埃及玩,仲影唔少靚相擺上網。唔少人知道關禮傑有兩名高顏值女兒,22歲嘅大女關楓馨2016年喺英國大學畢業,去年已赴英國讀碩士課程。

關禮傑話同太太結婚之前一直都想去埃及,因為覺得呢個地方好靚,加上又係四大文明古國,特別有興趣。難得大女一樣對古蹟有興趣,加上又有假期,於是關禮傑同太太終於可以如願。

關禮傑夫婦與大女關楓馨﹝微博圖﹞
關禮傑夫婦﹝微博圖﹞

天生一張明星臉嘅關楓馨暑假期間有回港出席活動,甚受注目。關禮傑透露大女係素食者,覺得澳洲係一個環保國家,大學畢業後曾去當地體驗生活,「佢基本上都係自給自足,我都給了佢一張附屬卡,以防萬一啦!」

關禮傑一家四口﹝網絡圖片﹞

細女曾遭欺凌

關禮傑較少曝光嘅十六歲細女楓盈亦赴加拿大讀書,關禮傑曾透露細女喺香港讀書時曾遭欺凌,十二歲便提出要離開香港。

分享: