麥明詩林作被爆復合  麥:朋友食個tea啫

才子與佳人,麥明詩、林作。﹝網絡圖片﹞

名校出身的十優港姐麥明詩(Louisa)入行以來緋聞不斷,最為人熟悉的就係她跟律師男友林作的戀情。前年被爆已分手的兩人經常被質疑「掟煲唔掟蓋」,近日,二人更被影到在金鐘一間西餐廳食飯,再傳復合。對於呢個消息,林作則表示多次同網友交流後發現,「根本冇任何嘅網民係有興趣知道關於我嘅嘢」,他亦話:「我都知好多網民好煩、好厭!」

10A劍橋畢業生麥明詩與牛津尖子林作原本非常匹配,但兩人卻摩擦甚多,麥明詩難抵林作少爺脾氣,2016年6月,麥明詩到深圳拍無綫劇《賭城群英會》,林作被拍到夜會其他女性而激嬲了麥明詩,三個月後就被爆分手,但麥明詩表示兩人仍是朋友關係。

麥明詩和林作。(網絡圖片)

食飯冇交談

而近日麥明詩與林作被影到一同食飯,只是二人冇乜交談,林作全程好專心睇書,反而戴住帽嘅麥明詩警覺性好高,一邊食一邊四處張望。且兩人前後腳離開,林作畀錢埋單後走先,麥明詩繼續坐喺度講咗十分鐘電話,之後獨自離開。

對於同麥明詩復合,林作則話:「我同網友交流後得知,好多網民對呢啲沒完沒了嘅嘢好煩、好厭,根本冇任何嘅網民係有興趣知道關於我嘅嘢,所以我唔希望將自己睇成係啲乜嘢人物。」麥明詩也表示二人僅是「朋友食個tea啫。」

麥明詩自爆不時會去蒲。(影片截圖)
分享: