㗳女無數 崔建邦牽長髮新歡

崔建邦(Instagram圖片)

戀愛比工作精采嘅崔建邦(Amigo)入行多年㗳女無數,不過每段戀情都失敗告終的同時,拍拖時間也不會維持得耐。

2017年11月,相戀1年多、被傳結婚的崔建邦與林珊珊細女、任職能量治療師及瑜伽導師的李怡(野人)宣佈「分」訊;隨後有指崔建邦分手後火速戀上文青味濃的藝人李靖筠,另有周刊指他與桃花運不斷的陳雅倫撻著。

崔建邦傳火速戀上李靖筠(Facebook圖片)
陳雅倫與崔建邦(微博圖片)

不過,有網友爆料Amigo嘅新歡係另有其人,日前晚8點左右,Amigo同長髮新歡現身油麻地碧街,長髮新歡嗰個袋拎咗一包糖同崔建邦一齊食,之後佢就繞住男友隻手。據爆料人指:「嗰陣佢哋去咗去廣東道一間賣咖喱嘅餐廳,雖然只係得兩個人,不過都外賣幾袋食物,全部都係崔建邦一個人拎曬,嗰個長髮女仔蹺住佢,一齊行咗去露天停車場拎車。」

(Instagram圖片)

崔建邦入行多年㗳女無數,戀情中最令人深刻的可謂跟「最佳女朋友」唐詩詠的9年情,崔建邦2005年與唐詩詠一同主持《K-100》時撻著 ,然而2006年他偷嗒奀模Louise就立即跟唐詩詠分手,一年後復合,2009年他又被影到背住女友與徐淑敏夜蒲兼手拖手!

儘管唐詩詠選擇原諒,但崔建邦後來再暗撻有「中巴」之稱的靚模鄺敏慧,至女方報警鬧出虐打一事,才揭發他背唐詩詠一腳踏兩船,最後唐詩詠終於心淡斬纜,至2014年她於洪永城相戀才正式跟崔建邦劃清界線!

分享: