【單飛出歌】Cheronna@SG孖男Dancer拍火辣鏡頭 男友黃奕晨「監場」

吳嘉熙

組合Super Girls(SG)成員吳嘉熙(Cheronna)今年「單飛」推出新歌《把持》,日前她拍攝新歌MV,MV中她與男主角有不少親密鏡頭,大跳貼身舞之餘,更與對方頭貼頭調情,相當火辣!

同男Dancer拍火辣鏡頭零尷尬

不過Cheronna坦言拍攝時沒有尷尬並架輕就熟,而且很開心終於有一個屬於她的男主角:「新歌講女仔喺平日營營役役嘅生活中,終於遇到一個可以令佢釋放自己嘅男仔,兩人一拍即合,究竟佢要繼續把持定要把握機會呢?所以喺舞蹈上會表現兩人嘅合拍同微妙關係,亦有唔少擁抱摸胸等火辣鏡頭,但一啲都冇尷尬,仲非常投入,我係專業㗎嘛,好開心公司幫我安排咗一個靚仔男主角,哈哈!」

Cheronna喺MV入面同男Dancer有唔少火辣鏡頭

爆黃奕晨唔識跳舞

對於今次單飛MV即作大膽演出,Cheronna坦言事前已知會男友黃奕晨,更直言拍攝當日男友亦有「監場」:「你可以話係監場,佢對影相有研究,所以嗰日嚟幫我影啲靚相。」Cheronna還表示男友對舞步也提供不少意見,大讚他的意見專業,她指雖然排舞時與男Dancer有近距離身體接觸,但男友一樣是專業的,大家只專注為出來的效果做到最好,故沒有不舒服的感覺,她更笑言作為一個女友,若男友看畢後有什麼不舒服的話會氹對方。問到為何不邀男友親身上陣拍攝?她表示:「我有叫佢不如學跳舞,同我一齊拍MV,不過佢真係唔識跳舞,所以冇辦法,如果佢識跳舞當然搵佢,因為可以唔使畀錢嘛!」

不過Cheronna就話冇尷尬

此外,Cheronna表示非常感謝監製兼MV導演陳考威及排舞師阿旦:「我哋一直都有合作,佢哋好清楚我嘅需要,每次都好落力幫手,希望大家會鍾意呢次新歌同不一樣嘅Cheronna。」

Cheronna表示男友黃奕晨有「監場」
Cheronna
分享: